فێستیڤاڵی ساڵانەی سوڵتان موزەفەرەدين لە شوێنەواری منارە دەستیپێكرد
هەولێر
فێستیڤاڵی ساڵانەی سوڵتان موزەفەرەدين دەستیپێكرد
964+
ئەرسەلان عەبدوڵا
ئەمشەو لە رێورەسمێکی تایبەتدا بەبۆنەی هاتنەوەی مانگی مەولود، یادی لەدایکبوونی پێغەمبەری ئیسلام، فێستیڤاڵی ساڵانەی سوڵتان موزەفەرەدین دەستیپێكرد.
راگەیاندنی پارێزگای هەولێر بڵاویكردەوە، ئەمشەو یەكشەممە 24.8.2025 سەنتەری رۆشنبیری و کۆمەڵایەتی سوڵتان موزەفەرەدین، بە خوێندنەوەی مەولوود، لە شوێنەواری مێژوویی منارە، دەستی بە کارەکانی فێستیڤاڵی ساڵانەی سوڵتان “موزەفەرەدین” کرد.
ئاماژە بەوەش كراوە، فێستیڤاڵەکە بە درێژایی ئەم مانگە بەردەوام دەبێت و تێیدا چالاکی هونەری، رۆشنبیری، ئایینی و مێژوویی تایبەت بەو بۆنەیە پێشکەش دەکرێت، هەروەها رووی جوانی و لێبوردەیی ئایینی و ئایینداریی شاری هەولێر دەخرێتەڕوو.
وەك لە وێنەكانی فێستیڤاڵەكەدا دەردەكەوێت، پارێزگای هەولێر و ژمارەیەك لە كەسایەتیی شاری هەولێر بەشداریی كردنەوەی فێستیڤاڵەكەیان كردووە.
