“رەزامەندی درا لەسەر لەیەکترتێگەیشتنی نێوان هەرێم و عێراق”

964+

شۆڕش قادری

ئەنجومەنی وەزیران رەزامەندیدا لەسەر لەیەکترتێگەیشتنی نوێی نێوان حکومەتی هەرێمی کوردستان و حکومەتی فیدراڵ تایبەت بە مووچە و شایستە داراییەکان.

ئەمڕۆ چوارشەممە 16.7.2025، ئەنجومەنی وەزیرانی هەرێمی کوردستان کۆبووەوە و بەپێی راگەیەنراوی کۆبوونەوەکە، بە توندترین شێوە، هێرشەکانی سەر هەرێمی کوردستان و بەتایبەتی کێڵگە نەوتییەکان شەرمەزار کراوە.

ئەنجومەنی وەزیران داوا لە حکومەتی فیدڕاڵ دەکات، ئەرکی خۆی بەجێ بگەیەنێت بۆ ئەوەی سنوورێک بۆ ئەو هێرشانە دابنرێت و رێکاری یاساییش بەرامبەر ئەو تێکدەرانە بگیرێتەبەر.

هەر لە کۆبوونەوەکەدا، وردەکاریی ئەو لەیەکترتێگەیشتنە هاوبەشەی کە دوێنێ لە بەغدا تایبەت بە دابینکردنی شایستە داراییەکانی هەرێم و پابەندییەکانی هەرێم هاتووەتە ئاراوە، خراوەتەڕوو و ئەنجومەنی وەزیران پێشوازیی لەو لەیەکترتێگەیشتنە کردووە و بڕیاریداوە بە جێبەجێکردنی ناوەڕۆکی ئەو لەیەکترتێگەیشتنە، کە بڕیارە لە بەرامبەردا حکومەتی فیدراڵ، مووچە و شایستە داراییەکانی هەرێمی کوردستان بنێرێت.

 هەرێم و بەغدا لەسەر دەستپێکردنەوەى هەناردەى نەوت نەگەیشتن بەرێککەوتن

هەرێم و بەغدا دەگەن بە رێککەوتن؟