پڕۆژەی كارتی خۆراک داوا دەكات پەلە بكەن لە نوێكردنەوەی داتاكانتان

محەمەد فاتیح

پڕۆژەی كارتی خۆراک سەر بە وەزارەتی بازرگانیی عێراق، بەم نزیكانە دەست دەكات بە چەند گۆڕانكارییەك و داوا لە هاوڵاتیان دەكات پەلە بكەن لە نوێكردنەوەی داتاكانیان.

پڕۆژەی كارتی خۆراک بڵاویكردەوە، داوا لە هاوڵاتیان دەكەن بە زووترین كات داتاكانیان نوێ‌ بكەنەوە و كارتی خۆراک پڕبكەنەوە.

دەشڵێن، “چاوەڕوانی گۆڕانكاری بن و لە 1.7.2025 دەست دەكەین بە قۆناغی خزمەتگوزارییەكانی خۆراک، كە بریتییە لە زیادكردن و گواستنەوە و جیاكردنەوە و لابردنى بلۆككردن”.

تائێستاش بەشێك لە هاوڵاتیانی هەرێمی كوردستان كێشەیان لە پڕكردنەوەی كارتی خۆراک هەیە و لایەنە پەیوەندیدارەكانیش بەردەوامن لە پیێشكەشكردنی یارمەتی و ئاسانكاری، بۆ چارەسەركردنی كێشەكانیان.