لە سنوورى ژاراوە و سەنگەسەر
زیاتر لە 100 دۆنم دەغل و دان سووتا
964+
محەمەد عەلى
ئێوارەى ئەمڕۆ، بەهۆى ئاگرێکەوە کە دەوترێت لە شۆرتى کارەباوە دروستبووە، زیاتر لە 100 دۆنم دەغڵ و دانى هاوڵاتیان سووتا.
لە سنوورى سەنگەسەر و ژاراوەى سەر بە قەزاى پشدەر، ئاگرێکى گەورە لە دەغڵ و دانى جوتیارانى هەرسێ گوندى (خەندەکە، بەستەستێن و زورکان)، کەوتەوە.
بەپێى زانیارییەکانى 964 کە لە تیمى بەرگرى شارستانى وەرى گرتووە، هەرسێ بنکەى قەڵادزێ و ژاراوە و سەنگەسەرى بەرگرى شارستانى، ئاگرەکەیان کۆنتڕۆڵ کردووە.
ئاگرەکە لە گەنمى جوتیاران کەوتووەتەوە و بە وتەى سەرچاوەکە زیاتر لە 100 دۆنم گەنم و جۆى جوتیاران سووتاوە.
پێداچوونەوە: وریا فەتاح
