دهۆک.. نرخی خزمەتگوزاری پڕۆژەکان تاوەکو 66% کەمکرایەوە

964+

پێشەوا محەمەد – سلێمانی

بەڕێوەبەرایەتی گشتی وەبەرهێنانی دهۆک نرخی خزمەتگوزارییەکانی بەڕێژەی 3% بۆ 66% کەمکردەوە و دەڵێ، هەر پڕۆژە و وەبەرهێنەرێک پێوەی پابەند نەبێت سزا دەدرێت.

تۆڕی964 لەزانیارییەکانی بەڕێوەبەرایەتییەکەوە دەزانێت، بەپێی کوالێتیی پڕۆژە و لۆکەیشن و رووبەری یەکەکان لەپڕۆژەکاندا نرخی خزمەتگوزارییەکان دەستکاری کراوە و لێی کەمکراونەتەوە.

سەڵاح حاجی حەسوو، بەرپرسی هۆبەی راگەیاندنی بەڕێوەبەرایەتی گشتی وەبەرهێنانی دهۆک بە تۆڕی964ی وت: لیژنەیەک نرخی خزمەتگوزارییەکانی نوێ کردووەتەوە و ئاراستەی سەرجەم وەبەرهێن و پڕۆژەکانی نیشتەجێبوون کراوە، هەر وەبەرهێنەرێک پێیەوە پابەند نەبێت ئەوا سزا دەدرێت.

لەشاری دهۆک، 50 پڕۆژەی نیشتەجێبوون هەن کە بەشێکیان ڤێللان و بەشێکیشیان شوقەن.