بە 32 هەزار دینار

لە هەریر، باسرمە و بالیسان نەوتی سپی دابەشدەکرێت

964+

وریا فەتاح

بەڕێوەبەرایەتیی نەوت و کانزاکانی هەولێر رایگەیاند، لە رێکەوتی 21.11.2026 نەوتی سپی بەسەر هاووڵاتییانی قەزای هەریر و هەردوو ناحیەی باسرمە و بالیساندا دابەشدەکرێت.

بەپێی راگەیەندراوەکەی بەڕێوەبەرایەتیی نەوت و کانزاکانی هەولێر، ئەو هاووڵاتییانەی کارتی ئەلیکترۆنیی سووتەمەنییان هەیە، دەتوانن لە رێکەوتی دیاریکراودا بڕی 100 لیتر نەوتی سپی بە نرخی 32,000 دینار لەم بەنزینخانانە وەربگرن:

1- بەنزینخانەی رەزگە
2- بەنزینخانەی سورسورە
3- بەنزینخانەی ڤانێس
4- بەنزینخانەی سەربار

بەڕێوەبەرایەتییەکە جەختیکردووەتەوە، بۆ وەرگرتنی بەشە نەوتەکە پێویستە هاووڵاتییان کارتی ئەلیکترۆنیی سووتەمەنی لەگەڵ خۆیان ببەن بۆ بەنزینخانەکان.