964+

شۆڕش قادری

هاوشێوەی شار و شارۆچکەکانی دیکەی کوردستان، لە هەولێری پاییتەختیش ئاهەنگی نەورۆز بەڕێوەچوو و لەسەر قەڵا ئاگری نەورۆز کرایەوە.

ئاهەنگەکە بە بەشداری بەشێک لە بەرپرسانی شار و حکومەتی هەرێم بەڕێوەچوو و تیایدا کوڕان و کچانی مەشخەڵ بەدەست چوونە سەر قەڵای هەولێر و ئاگری نەورۆزیان کردووە.

پێشتر ئومێد خۆشناو پارێزگاری هەولێر بە 964ـی وتبوو، لەبەر ئەوەی نەورۆز كەوتووەتە ناو مانگی رەمەزانی پیرۆز، هیچ ئاهەنگ و بۆنەیەك بەبۆنەی نەورۆز بە فەرمی نایەتە ئەنجامدان، تەنیا ئاگری نەورۆز دەكرێتەوە و رێوڕەسمێكی بچوك بەڕێوەدەچێت.

حكومەتی هەرێمی كوردستان بەبۆنەی نەورۆزەوە رۆژانی 21 و 22 و 23ی ئەم مانگەی كردووە بە پشووی فەرمی.

هاوكات لە هەولێر بەبۆنەی رەمەزانەوە، شەوانە بازاڕ و ئاهەنگ و بۆنە لە بەردەم قەڵا و پاركی پێشمەرگە و چەند شوێنێكی دیكە رێكخراوە و تا رۆژانی جەژنی رەمەزان بەردەوام دەبێت.

لە مامەیارەوە یەکەم ئاگری نەورۆز کرایەوە

خورماتوو بە ئاڵای كوردستانەوە ئاگری نەورۆزی كردەوە

964+
ئەحمەد مستەفا

روداوێکی ئاگر کەوتنەوە لە ماڵێکی گەڕەکی هەرێم لە ناوەندی قەزای سۆران روویدا، بەرگری شارستانی سۆران دەڵێت، توانیویانە دوو کەس رزگار بکەن.

بەپێی راپۆرتی تیمەکانیان، هۆکاری ئاگرەکە کارکردن بووە بە غاز لە حەمامی ماڵەکەدا بۆ لێکردنەوەی کاشی و لەئەنجامدا بتڵی غاز (قەنینە) ئاگری گرتوە.

بەرگری شارستانی سۆران دەڵێت، دەستبەجێ ئەفسەری ئێشکگر و سێ تیم دەرچون بۆ شوێنی رووداوەکە و توانرا بەزووترین کات ئاگرەکە کۆنتڕۆڵ بکەن و رێگری لە سووتانی ماڵەکە بکەن.

ئەوەشی وتووە، تیمەکانیان توانیویانە دوو هاوڵاتی رزگار بکەن، کە بەهۆی ئاگرەکە بەسووکی بریندار ببون و لەلایەن تیمەکانیانەوە رەوانەی نەخۆشخانە کراون.

بە نەوت چەند درەختێک لە سۆران ووشک دەکرێن

شه‌ش كێڵگه‌ى مین له‌ناو ماسته‌رپلانى گه‌شتیاری ئیداره‌ى سۆران دان