964+

شۆڕش قادری

لە ناحیەی حاجیاوای سەربە دەڤەری راپەڕین گەنجێکی تەمەن 18 ساڵ، 10 رۆژە لە ماڵ چووەتە دەرەوە و نەگەڕاوەتەوە، کەسوکاری و پۆلیس بەدوایدا دەگەڕێن.

عەقید شۆڕش ئیسماعیل وتەبێژی پۆلیسی راپەڕین بە 964ـی وت، “گەنجێک بەناوی (ئەلەند قانیع حەمەد) لەدایکبووی ساڵی 2007 و دانیشتووی حاجیاوا رۆژی 9.3.2025 لە ماڵەوە چووەتە دەرەوە و لەو کاتەوە تائێستا نەگەڕاوەتەوە”.

ئاماژەی بەوەشکرد، دوای حەوت رۆژ لە ونبوونی ئەو گەنجە، کەسوکارەکەی هەواڵیان داوە بە پۆلیس و دواتر پەڕاوی لێکۆڵینەوەی بۆ رێکخراوە و بۆ ئەم مەبەستەش رێوشوێنی یاسایی گیراوەتەبەر.

وتەبێژی پۆلیسی راپەڕین داوایشی لە هاوڵاتیان کرد، هەر کەسێک زانیاری لەبارەی شوێنی مانەوەی ئەو گەنجە هەیە، بەو ژمارە مۆبایلەی خوارەوە، هێزەکانیان ئاگادار بکاتەوە.

07501768558

حاجیاوا: ئاسایش بەدوای ئەو گەنجانەدا دەگەڕێت کە بیری بەعس بڵاودەکەنەوە

گەنجە ونبووەکەى قەڵادزێ لە سلێمانى دۆزرایەوە

964+

ئاکام غەفور

رووداوێکی سەختی هاتوچۆ لە نزیک تونێلی پیرمام روویداوە، بەپێی زانیارییەکان گیان لەدەستدان و بریندار هەیە.

پەیامنێری 964 لە زاری چەند شایەتحاڵێکەوە کە لەسەر رووداوەکە بوون وتی، کەسێکی گیانی لەدەستداوە و دوو کەسیش برینداربوون و رەوانەی نەخۆشخانەی فریاکەوتنی شەقڵاوە کراون

دوای ئەوەی تیمی پەیامنێرانی 964 لە هەولێر و سۆران چەندینجار پەیوەندییان کرد بە لایەنی فەرمی، سەرچاوەیەک لە نەخۆشخانەی شەقڵاوە پێی وتین، سێ کەس گەیندرانە نەخۆشخانەکەمان کە گەنج بوون، وتیشی، گەنجێکی 18 ساڵ گیانی لە دەستداوە، دوو گەنجی تریش بریندار کە تەمەنیان 20 ساڵ و 30 ساڵ بووە لە دوای چارەسەری پێویست بەڕێکراون بۆ نەخۆشخانەکانی هەولێر

پێداچوونەوەی: پەری ساڵح

لە گەرمیان سێ رووداوی هاتوچۆ شەش کەسی بریندار کرد