964+
میلاد جەلال – گەرمیان

دوای ئەوەی دوێنێ دووشەممە 17.3.2025 بەڕێوەبەری پەروەردەی گەرمیان لەگەڵ بەڕێوەبەری قوتابخانەکان کۆبوەوە و باسیان له‌ كردنه‌وه‌ى ده‌رگاى قوتابخانه‌كان كرد، ئەمڕۆ سێشەممە، دەرگای بەشێک لە قوتابخانەکان بەرووی قوتابیاندا کرایەوە.
عیسا ئیبراھیم، قوتابی پۆلی نۆی بنەڕەتیە بە 964ى وت، ئەمڕۆ ھاتوینەتەوە بۆ قوتابخانە و پێیانخۆشە مامۆستاکانیان کۆتایی بە بایکۆت بھێنن و وانەکانیان بخوێنن.
پەیامنێری 964، رۆیشتە بەردەم چەند قوتابخانەیەک لە قەزای کەلار، بەشێکیان دەرگای قوتابخانەکانیان کردبووە و بەشێکیشیان بەداخراوی مابونەوە.
لەدوای کۆتایی ھاتنی تاقیکردنەوەکانی وەرزی یەکەمی خوێندنی 2024_2025، مامۆستایان بایکۆتی قوتابخانەکانیان کرد.
دوێنێ، عەدنان حوسێن، بەڕێوەبەری گشتی پەروەردەی گەرمیان بە 964ـی وتبوو “ھەموو بەڕێوەبەرەکان ئیمزایان کردووە و رازیبوون بەوەی کە لە سبەینێوە دەرگای قوتابخانەکان بکرێنەوە و کۆتایی بە بایکۆت بھێنن”.
وتیشی “سەرجەم قوتابخانەکانی ناوشار و دەرەوەی شاریش لە سبەینێوە دەست دەکەنەوە بە خوێندن و پێویستە قوتابیان بڕۆنەوە دەست بە خوێندنی وانەکانیان بکەنەوە”.
پێداچوونه‌وه‌: فه‌رهاد حه‌سه‌ن

بایکۆتی مامۆستایان لە گەرمیان کۆتاییهات

بەڕێوەبەرەکان لەگەڵ سزادانی مامۆستا بایکۆتکارەکانن

مامۆستا ناڕازییەکان: یەکشەممە بە بایکۆتەوە چالاکی جیاوازمان دەبێ

964+

عەبدولعەزیز خالند

بەرەبەیانی ئەمڕۆ دووشەممە 24.3.2025 هونەرمەندی گۆرانیبێژ زاهیر عومەر گەڕایەوە هەولێر و بە یەكجاری ئەوروپای جێهێشت.

پەیامنێری 964 بەم بەیانییە لە فڕۆكەخانەی نێودەوڵەتیی هەولێر لە پێشوازیی هونەرمەند زاهیر عومەر بوو، كە كەسوكار و هاوڕێیانی هاتبوونە پێشوازی.

زاهیر عومەر كە خەڵكی شاری هەولێرە، بۆ 964 قسەی كرد و خۆشحاڵی خۆی بە گەڕانەوە بۆ كوردستان دەربڕی، وتیشی، “ئەو ئەوروپایەی جاران نەماوە و پەیامم بۆ گەنجەکان ئەوەیە لە مێشكی خۆتانی دەربكەن”.

هەروەها رایگەیاند، ژیان لە ناو كەسوكار و دۆست و هاوڕێیان خۆشترە و تەجروبەی ژیانی ئەوروپای كرد بە ئامانجی باشتركردنی ژیانی خۆی و خانەوادەكەی، ئێستاش گەڕاوەتەوە هەولێر.

زاهیر عومەر كە لە كۆتایی هەشتاكانەوە گۆرانی دەڵێت و ژەنیاری سازە، شەش ساڵ لە سوێد بووە و ئاماژەی بەوەدا ژیانی ئەوروپا سەختە و كاری هونەریش سەختترە لەوێدا.

” هەر لە دەرگای فڕۆكەخانەوە زانیم غەدرم لە خۆم كردووە ئەوەندە ساڵە لە ئەوروپا ژیام و دووربووم لە رێز و خۆشەویستی خەڵكی خۆمان”، زاهیر عومەر وای وت.

ئەو هونەرمەندە كە ساڵانی نەوەدەكان و سەرەتای دوو هەزارەکان لە لووتكەی ناوبانگ و ئاستی هونەریدا بوو، بە تایبەتی لە هەولێر، خاوەنی دەیان گۆرانی و كلیپە، جگە لەوەی ژەنیاری سازە و لە تیپە هونەرییەكانی هەولێر كاری كردووە، بە تایبەتی تیپی موزیكی زیروبەم، لەگەڵ مامۆستا وریا ئەحمەد.

زاهیر عومەر لە رێگەی 964ـەوە موژدەی بە هەوادارانی دا، كە بەرهەمی نوێی ئامادەیە و بەم زووانە دەست بە كاری هونەری دەكاتەوە و كلیپیش وێنە دەگرێت.

پێداچوونەوە: ئەرسەلان عەبدوڵا

ئیتر بۆت نییە بە دڵی خۆت گۆرانی هونەرمەندان بەکاربهێنیت