"وەکوو ئەوانم پێناکرێت"
هونەرمەند لیزا بەختیار پشتیوانی لە مانگرتووانی سلێمانی دەکات
964+
دیلان محەمەد – سلێمانی
هونەرمەند و ئەکتەری بواری شانۆ لیزا بەختیار پشتیوانی لە مامۆستا و فەرمانبەرانی مانگرتووی سلێمانی دەکات.
لیزا بەختیار لەناو خێمەی مانگرتووانەوە قسەی بۆ مایکی 964 کرد و وتی، “پێویستە هەمووان پشتگیری لە مانگرتووان بکەن و بەتەنیا نەهێلرێنەوە، با هەموو فەرمانبەر و چین و توێژەکان مانبگرن و ناڕەزایی دەرببڕن”.
ئاماژەی بەوەشکرد، پێشتریش چەند جارێک سەردانی مانگرتووانی کردووە و هیوای خواست داواکارییەکانیان قبوڵ بکرێت، دانی بەوەشدانا کە وەکوو ئەوانی پێناکرێت، چونکە کەسانێکی خۆڕاگرن و کەم کەس هەیە توانای ئەوانی هەبێت.
مانگرتنی مامۆستا و فەرمانبەرانی سلێمانی 12 رۆژی تێپەڕاند، ناوبەناویش تەندروستییان تێکدەچێت و ئەمڕۆش تەندروستی سێ کەسیان بە تەواوی تێکچوو و رەوانەی نەخۆشخانە کران.
پێداچوونەوە: شۆڕش قادری
تەندروستیى سلێمانى: بە دڵنیاییەوە مانگرتووان مەترسى لەسەر ژیانیان هەیە
