لە دوو رووداوی هاتوچۆدا پێنج کەس برینداربوون

964+

شۆڕش قادری

لە چۆمان ئۆتۆمبێلێک وەرگەڕا و دوو کەس برینداربوون، لە چەمچەماڵیش رووداوێکی هاتوچۆ روویدا و سێ کەس برینداربوون.

بەپێی راگەیەندراوێکی بەڕێوەبەرایەتیی هاتوچۆی سۆران، “کەێک لەمەوبەر لەسەر رێگای چۆمان – حاجی ئۆمەران و بەدیاریکراوی لە لۆفەکانی گردمەیدان، ئۆتۆمبێلێک لە جۆری دۆج دۆرانگۆ وەرگەڕاوە و لە ئەنجامدا دوو کەس برینداربوون”.

هەر ئەمڕۆ بەڕێوەبەرایەتیی تەندروستیی چەمچەماڵ لە راگەیەندراوێکدا بڵاویکردەوە، “رووداوێکی هاتوچۆ لەسەر رێگای چەمچەماڵ ــ ناحیەی تەکیەی کاکەمەند نزیک کارگەی خشتی ئاشوور روویداوە و بەهۆیەوە سێ کەس برینداربوون، کە دوو پیاو و ژنێکی بە نەتەوە عەرەبن.”

ئاماژەی بەوەش کردووە، دوای رووداوەکە دەستبەجێ تیمی تەندروستی و ئۆتۆمبێلی فریاکەوتنی یەکەی فریاکەوتنی خێرا 122 بەهانای بریندارەکانەوە چوون و هەر لەوێ فریاگوزاری سەرەتاییان بۆ ئەنجام داون، دواتر بەمەبەستی چارەسەری پزیشکی، بریندارەکانیان گوازراونەتەوە بۆ سەنتەری فریاکەوتنی چەمچەماڵ.

لە چەمچەماڵ 13 کەس لە دوو رووداوی هاتوچۆدا بریندار بوون

لە رووداوی هاتوچۆکەی گەرمیان چوار منداڵ گیانیان لەدەستداوە سیانیان خوشکن