72 کاتژمێرە بێ کارەبان
هاوڵاتیانى دوزخورماتوو دژى بێکارەبایى گردبوونەوە
964+
سیروان خورشید – دوزخورماتوو
سەرلەئێوارەى ئەمڕۆ، دانیشتوانى گەڕەکى برایەتى دوزخورماتوو، دژى نەبوونى کارەبا گردبوونەوە و دەروازەى قەزاکەیان گرت و رێگاى سەرەکى کەرکوک بۆ بەغدایان، داخست.
سەباح لەکی، سەرپەرشتیاری گردبونەوەکە بە 964ـی،”ماوەی 72 کاتژمێرە کارەبای خورماتوو بەتەواوی پچڕاوەو جگە لەموەلیدە کارەبای نشتیمانیان نەماوە، بۆیە وەک کاردانەوەیەک دژی نەبونی کارەبا رێگەکەمان گرتووە”.
هەرچەندە تا دەهات گردبوونەوەکە فراوانتر دەبوو، بەڵام دواى نیو کاتژمێر لە داخستنى رێگەکە، هێزە ئەمییەکانى قەزاکە هەڵیانکوتایە سەر خۆپیشاندەران و بە زەبرى هێز رێگەکەیان کردەوەو بەبیانوى نەبوونى مۆڵەت، کۆتاییان بە گردبوونەوەکە هێنا.
پێداچوونەوە: وریا فەتاح
