فیشەک بەر زانیاری تاوەر کەوتووە
لە شەقامی 60مەتری هەولێر تەقەی هەڕەمەکی کراوە
964+
دەشتی عارف – هەولێر
کەمێک پێش ئێستا لە شەقامی 60 مەتری هەولێر و بەدیاری کراوی بەرامبەر زانیاری تاوەر دەنگی تەقە بیسرا.
964بەدواداچوونی کرد بۆ هۆکارەکەی و سەرچاوەیەک لە پۆلیسی هەولێر بۆ 964 وتی، “ئۆتۆمبێلێکی نەناسراو بە چەکی جۆری دەمانچە بەشێوەیەکی هەڕەمەکی چەند فیشەکێکی تەقاندوە بە رووی زانیاری تاوەر و چەند فیشەکێکیش بەر تاوەری زانیاری کەوتووە.
وتیشی، بەهۆی تەقەکردنەکەوە هیچ زیانێکی گیانی نەبووە و لێکۆڵینەوەی زیاتر دەکرێت و تاوانباران دەستگیر دەکەن”.
پێداچوونەوە: توانا نەقی