هەر مسقاڵێک زێڕ هەشت هەزار دینار بەرز بووەتەوە

964+

وریا فەتاح

دواى دابەزینە گەورەکەى هەفتەى رابردوو، ماوەى دوو رۆژە نرخى زێڕ روو لە بەرزبوونەوەیە و بەم دوو رۆژە نزیکەى 15 هەزار دینار چووەتە سەر هەر مسقاڵێکى زێڕ کە هەشت هەزارى بۆ ئەمڕۆیە.

ئەمڕۆ سێشەممە، نرخى یەک ئۆنسەى زێڕ لە بۆرسەى جیهانیدا بۆ 2622 دۆلار بەرز بووەوە، بەمەش لە بازاڕەکانى هەرێمى کوردستان تەنیا بۆ ئەمڕۆ هەر مسقاڵێک زێڕ لانیکەم هەشت هەزار دینار بەرز بووەوە و دوێنێش لانیکەم پێنج هەزار دینار هەر مسقاڵێکى بەرز ببووەوە.

سەندیکاى زێڕنگەرانى هەولێر نرخى زێڕى بۆ ئەمڕۆ سێشەممەى بەم شێوەیە دیارى کردووە:

نرخی یەک مسقاڵ زێڕی عەیارە 24 بە 643 هەزار دینارە.

نرخی یەک مسقاڵ زێڕی عەیارە 22 بە 590 هەزار دینارە.

نرخی یەک مسقاڵ زێڕی عەیارە 21 بە 563 هەزار دینارە.

نرخی یەک مسقاڵ زێڕی عەیارە 18 بە 483 هەزار دینارە.

یەک ئۆنسە زێڕ 30 گرام و 100 سەنتە، بەو پێیەى هەر مسقاڵێک زێڕ پێنج گرامە، بەمە یەک ئۆنسە 6 مسقاڵ و 250 گرام زێڕە.

جارێکى دیکە زێڕ بەرز بووەوە