منداڵێک و دوو گەنج بێ سۆراغن
رووداوەکانی خنکان لە کوردستان کۆتاییان نایەت؛ سێ تەرم لەناو ئاودان
964+
شۆڕش قادری
رووداوەکانی خنکان لە کوردستان کۆتاییان نایەت و لە ئێستادا سێ تەرم لەناو ئاودان.
چوار رۆژە منداڵێکی تەمەن سێ ساڵی خەڵکی هەولێر، لە گوندی چەمەی سەربە ناحیەی رۆڤیا لە قەزای بەردەڕەش کەوتووەتە ناو ئاوی زێی گەورە و بێ سۆراغە.
گەنجەکەی ناوچەی سازانی هەڵەبجەش هێشتا نەدۆزراوەتەوە، کە رۆژی هەینی و لەکاتی بەردانەوەی ئاو لەلایەن ئێرانەوە، لە ئاوەمار ئاو بردی.
ئەحمەد لوقمانی تەمەن 26 ساڵیش هەر ونە کە 17ـی ئەم مانگە و لە کاتی راوەماسی
لەناو رووباری سیروان لە کەلار خنکا.