هەشت مووشەک ئاراستە بنکەی سەربازی تورکیا لە زێلکان کرا

+964
كوردستان ئەحمەد- هەولێر

كەمێك پێش ئێستا هەشت مووشەك ئاراستەی بنكەی سەربازی توركیا لە زێلكان كرا.

دژەتیرۆری كوردستان لە پەڕەی تایبەتی خۆی لە تۆڕی كۆمەڵایەتی فەیسبووك نوسیویەتی “هەشت مووشەك ئاراستەی بنكەی زێلكان كراون و دوو لە موشەكەكان لە ناو بنكەكە كەوتەوەتە خوارەوە”.

بەیانی ئەمڕۆ چوارشەممە 1ی شوباتی 2023، کاتژمێر 7:45، هەشت مووشەک ئاراستەی سەربازگەی زێلکان لە ناحیەی باشیکی سەر بە پارێزگای نەینەوا کە تێیدا هێزەکانی سوپای تورکیا لەخۆدەگرێت، کران.

دژەتیرۆری كوردستان دەڵێت ”بەگوێرەی زانیاریەكان، دوو لە مووشەکەکان لەناو سەربازگەکە کەوتوونەتە خوارەوە و مووشەکەکانی دیکە لە دەوروبەری سەربازگەکە کەوتوونەتە خوارەوە و هیچ زیانێکی گیانی لێ نەکەوتووەتەوە.

تا ئێستا دیارنییە زیانە گیانی و مادییەكان چین و موشەكەكان لەكوێوە ئاراستەی بنكەكە كراون.

بنكەی سەربازی توركیا لە ناحیەی زلێكان لە ساڵی 2015 دروستكراوە، تاوەکو ئێستا زیاتر لە 10جار موشەكباران كراوە.