ماوه‌ى دوو رۆژ و 5 كاتژمێر ده‌بڕێت
به‌هۆى چاكسازیكردن له كاره‌با به‌شێكی كاره‌باى گه‌رمیان ده‌بڕێت
964+
فه‌رهاد حه‌سه‌ن
بەڕێوبەرایەتیی گشتیی کارەبای گەرمیان ئاگادارییه‌كى بڵاوكردووه‌ته‌وه، به‌هۆى چاكسازیكردنى له هێڵه‌كانى كاره‌با، كاره‌باى به‌شێك له سنووره‌كه‌یان نابێت، بۆ ئه‌م مه‌به‌سته‌ش هاوڵاتیانى ئاگادار كردووه‌ته‌وه.
چاکسازیکردنه‌كه لەهێڵی 132kv کەلار – دەربەندیخانه وه‌ك ئامادەکارییه‌كه بۆ هاتنی وەرزی زستان.
به‌پێی ئاگادارییه‌كه‌ى كاره‌باى گه‌رمیان ئه‌مڕۆ سێشەممە کارەبا نیشتیمانی قەزای کفری و ناحیەی سەرقەڵا دەبێت، به‌ڵام بۆ رۆژی پێنجشەممە واتا 31.10.2024 کارەبایان نابێت.
نه‌بوونى كاره‌باكه لە کاتژمێر 8:00ـى بەیانی نتوه‌كو کاتژمێر 2:00ـى نیوەڕۆیه و ده‌شڵێت بۆیه كاره‌باكه ده‌بڕێت چونكه به‌هۆى كاركردنى تیمه‌كانیان ده‌یانه‌وێت ئه‌نادامانى تیمه‌كان سەلامەت بن له کارکردن.
