لەگەڵ هێرشەکەی ئیسرائیل بەهای تمەن داڕما

964+

شۆڕش قادری

لەگەڵ هێرشەکەی شەوی رابردووی ئیسرائیل بۆ سەر ئێران، بەهای تمەن بە تەواوەتی داڕما، بەڵام ئێستا ئاهێکی بەبەردا هاتۆتەوە و کەمێک بەرزبووەتەوە.

کەیفی خۆشناو وتەبێژی بازاڕی دراوی هەولێر بە 964ـێ وت، “دوای هێرشەکەی ئیسرائیل بۆ سەر ئێران، شەوی رابردوو بەهای تمەن بەرامبەر دراوە بیانییەکان داڕما و هەر 100 دۆلارییەک بۆ هەشت ملیۆن تمەن بەرزبووەوە، بەڵام لەگەڵ ئاساییبوونەوەی رەوشەکە، بەهای تمەنیش ئاسایی بووەتەوە و لە ئێستادا 100 دۆلار بە نزیکەی شەش ملیۆن و 500 هەزار تمەن مامەڵەی پێوەدەکرێت”.

ئاماژەی بەوەشکرد، بەهای دینار بەرامبەر بە دۆلار تاڕادەیەک جێگیرە و 100 دۆلار بەنزیکەی 152 هەزار و 750 دینار کڕین و فرۆشتنی پێوەدەکرێت.

وتەبێژی بازاڕی دراوی هەولێر راشیگەیاند، لەبەر ئەوەی ئەمڕۆ شەممەیە و بازاڕی بۆرسە نییە، ئەم نرخانە فەرمی نیین و بەرزی و نزمی بەخۆیانەوە دەبینن.

هاوکات ئیسماعیل حوسێن خاوەنی نووسینگەی ئاڵوگۆڕی دراو لە سلێمانی بە 964ـی وت، لە ئێستادا بەهای 100 دۆلار بە حەواڵە شەش ملیۆن و 600 هەزار تمەنە و بە نەختیش بە شەش ملیۆن و 400 هەزار تمەن مامەڵەی پێودەکرێت.

هێرشە موشەکییەکەی ئێران نرخی تمەنی زیاتر دابەزاند

لەگەڵ تەرمەکەی نەسروڵا دۆزرایەوە تمەن داشکا