دوو دیمەنی پڕۆژەکەی ماسی سەلەمون لە دهۆک... وێنە؛ سەندیکای ئەندازیارانی کشتوکاڵی دهۆک.
20%ـى خواستى دهۆك دابین ده‌كات
پرۆژه‌ی ماسیی “سه‌له‌مون”ـى دهۆك ده‌ست به به‌رهه‌مهێنان ده‌كاته‌وه
964+
فه‌رهاد حه‌سه‌ن
دواى ماوه‌ى چه‌ند ساڵێك وه‌ستان، پڕۆژیه‌كى گه‌وره‌ى به‌رهه‌مهێنانى ماسی سه‌لەمون له دهۆك كه‌وته‌وه كار له‌داهاتوویه‌كی نزیكیش به‌رهه‌مه‌كانى ده‌خاته بازاڕه‌وه.
پڕۆژه‌كه له‌ساڵى 2014 داندراوه و ده‌كه‌وێته سنوورى ناوچه گه‌شتیارییه‌كانى ناحیه‌ى دێره‌لووك.
نێچیرڤان حازم ئه‌رتوشی، سه‌رۆكى لقی دهۆكى سه‌ندیكاى ئه‌ندازیارانى كشتوكاڵى به 964ـى راگه‌یاند، پڕۆژه‌كه كه‌رتى تایبه‌ته و ماوه‌ى 10 ساڵ بوو به‌هۆى قه‌یرانى دراییه‌وه كاره‌كانى وه‌ستاندبوو.
وتیشی ” به‌یه‌كێك له باشترین پڕۆژه‌كانى ماسی له سنوورى دهۆك داده‌ندرێت و ماسی له جۆرى سه‌له‌مون به‌رهه‌م ده‌هێنێت”.
ئاماژه‌ى به‌وه‌شكرد، به‌رهه‌مى ئه‌م پڕۆژه‌یه خواستى 20%ـى ناوخۆى دهۆك دابین ده‌كات، به‌ڵام ئه‌و ماوه‌یه‌ى وه‌ستابوو به‌هۆى ئه‌وه‌ش بووه كه به‌شێك له پێداویستییه‌كانى له‌ده‌ره‌وه‌ى هه‌رێمی كوردستان ده‌هێنا.
