نۆ ملیار دینار لای حکومەت ماوە
رێگای خێرای باشماخ- پێنجوێن کرایەوە
+964
کامیار کەمال- پێنجوێن
دوای دە ساڵ کارکردن ئەمڕۆ رێگای خێرای باشماخ کرایەوە و هاوڵاتیان دەتوانن بەکاری بهێنن.
ئەندازیار محەمەد ئەرستو ئەندازیاری پرۆژەکە بە 964ی راگەیاند، تێچووی پرۆژەکە زیاتر لە 33 ملیار دینار بووە و چەند بەشێکی دیکەی پرۆژەکە ماوە تا تەواو بکرێت.
وتیشی، پرۆژەکە رێگایەکی دوو سایدە و دوو یەکتربڕی تێدایە، لە ماوەی دە ساڵی کارکردندا چەندین جار وەستاوە بەهۆی نەبوونی بودجەی پێویست.
وتیشی، بڕی نۆ ملیار دیناریان لای حکومەت ماوە و ئەگەر وەری بگرن ئەوا چینی سێيەمی قیر و گاردرێلی قەراغ شەقامەکانی پێدەکەن.
ماوەی 10 ساڵە کار دەکرێت لە پرۆژەکە و شۆفێرانیش رێگایەکی دیکەیان بەکاردەهێنا، کە قیرەکەی هەڵکەندرابوو.
پڕۆژەکە دەروازەی نێودەوڵەتدی باشماخ بە رێگای سلێمانی و قەزای پێنجوێن و دەروازەی سەیرانبەن و ناحیەی گەرمک دەبەستێتەوە و درێژییەکەی 10 کیلۆمەترە.
پێداچوونەوە: ئەرسەلان عەبدوڵا
