شوێنێكی سهخت و رێگایهكی دوور
گوندێكی سورداش بۆ یهكهمجار به كارهباى نیشتمانى رووناك دهكرێتهوه
964+
فهرهاد حهسهن
بهڕێوهبهرایهتى كارهباى سلێمانى دهڵێت، بۆ یهكهمجار كارهباى نیشتمانى دەگهیهننه گوندى سهرمۆردى سهر به ناحیهى سورداش له قهزاى دوكان.
ههروهك بهڕێوهبهرایهتییهكه ئاماژهى بپێدهكات، سەرەڕای سەختی شوێنی گوندەكە و دووری رێگاكەی، بەڵام بەهۆی ئاوەدانی و دڵسۆزی خەڵكەكهی، لهچوارچێوهی پرۆژهكان، ئهم گونده به كارەبای نیشتمانی رووناك دەكەنەوە.
درێژی هێڵەكە شهش كلیۆمەترە و دانانی 120 ستونی كارەبا و راكێشانی 20 كیلۆمهتر تەل و یهك محاویلهی 100 كهی ڤی لەخۆدەگرێت.
عەلی محهمهد، بەڕێوەبەری دابەشكردنی كارەبای دوكان باس لهوهدهكات، له ساڵانی رابردوودا بەهۆی قەیرانی دارایی و نەبوونی بودجەوه نەتوانرا كارەبای نیشتمانی بۆ ئهم گونده ببردرێت.
وتیشی “پرۆژەكە بەهاوكاری كۆمپانیای برۆدكاست كە بەبڕی 100 ملیۆن دینار كەلوپەل و پێداویستییان بۆ پرۆژەكە دابینكرد و بەشەكەی دیكەی پرۆژەكە لەسەر بودجەی داهاتی 8%ـی كارەبا كە بڕی 93 ملیۆن دیناره دابینكراوە”.
ئاماژەی بۆ ئەوەشكرد، پرۆژەكە بەشێوەی راستەخۆ جێبەجێ كراوە و زیاتر لە 80%ـی كارەكانی تەواوبووە و لە چەند رۆژی داهاتوودا به تەواوی گوندەكە رووناك دەبێتەوە.