دیمەنی شآڕێ ذؤك وێنە: سۆشیاڵ میدیا
شارەوانیی دهۆک
رێگە نادرێت شوێنە گشتییەکانی دهۆک پڕوپاگەندەی هەڵبژاردنی تێدا بکرێت
+964
ژێوار خدر
شاره‌وانیى دهۆك له رێگه‌ى چه‌ند رێنماییەكه‌وه رێگرى له كاندیدانی هەڵبژاردنی کوردستان ده‌كات پڕۆژه‌كانى شاره‌وانى بۆ پڕوپاگه‌نده‌كردن به‌كار بهێنن.
شارەوانیی دهۆک چەند رێنماییەکی بڵاوکردووەتەوە و دەڵێت، باشترە کاندیدەکان رێگەی سەردەمیی وەک تۆڕی کۆمەڵایەتی و دەزگاکانی راگەیاندن بەکاربهێنن بۆ بانگەشەکردن، وەک لەوەی پۆستەرەکانیان لە ناو شارەکان هەڵبواسن و دیمەنی شاری پی ناشرین بکەن.
دەشڵێت، نابێت پۆستەر لە شوێنێک دابندرێت کە رێگری لە بینینن بکات، شۆستەکان بگیرێن و رێگری بۆ هاتوچۆی هاوڵاتیان دروست بکات.
ئەمانە رێنماییەکانی شارەوانیی دهۆکن بۆ کاندیدانی هەڵبژاردن:
– نابێت پۆستەر، سیکۆتین، لەزگە و بورغی لەسەر دیواری چیمەنتۆ و بۆیاغ دابندرێن.
– نابێت ستوونەکانی کارەبا، ترافیکلایت و هێماکانی هاتوچۆ بەکاربهێندرێن بۆ هەڵواسینی پۆستەرەکان.
– پێویستە پۆستەرەکان لە بلواری نێوان رێگاکان، یان پارک و باخچەکان هەڵنەواسرێن، بۆ ئەوەی رێگری بۆ ئەو باخەوان و پاکەوانانە دروست نەکەن، کە خزمەتیان دەکەن.
– نابێت ناوەندە حکومییەکانی وەک قوتابخانە و زانکۆکان بەکار بهێندرێن بۆ هەڵواسینی پۆستەرەکان.
– نەبێت پەرستگا و شوێنە ئایینییەکانی وەک مزگەوت و کەنیسەکان بەکاربهێندرێن بۆ هەڵواسینی پۆستەر.
– لە شوێنی هاتوچۆکردنی ئۆتۆمبێل نابێت پۆستەر هەڵبواسرێت.
– لەناو بازاڕ نابێت پۆستەر هەڵبواسرێت.
– نابێت بە هیچ شێوەیەک بورغی و بزماری ئاسنی بۆ داکوتانی پۆستەر لەسەر هیچ شۆستە و شوێنێکی گشتی دابوکترێت.
– لەسەر ئەندەرپاس، ئۆڤەرپاس و بەرزە پردەکان پۆستەر نابێت دابندرێت.
– پێویستە دوای کۆتاییهاتنی هەڵبژاردن هەموو پۆستەر و پاشماوەکان کۆبکرێنەوە و لاببرێن.
