بینای بەڕێوەبەرایەتی هاتوچۆی دهۆک - وینە هاتوچۆی دهۆک
بەهۆی نۆژەنکردنەوەوە
لە شەممەی داهاتووەوە شەقامێکی سەرەکی ناو دهۆک دادەخرێت
+964
توانا نەقی
یەکێک لە شەقامە سەرەکیەکانی دهۆک کە بۆ کۆمەڵگای تەناهی دەچێت دادەخرێت و تەنیا دەتوانرێت سایدی دەرچوون بەکار بهێنرێت بەهۆی کاری نۆژەنکردنەوەوە.
ئازاد تەها وتەبێژی هاتوچۆی دهۆک لە واڵی خۆی لە فەیسبووک بڵاویکردەوە، ئاگاداری هاوڵاتیان و شۆفێران دەکەنەوە، لە رۆژی شەممەی داهاتوو 7.9.2024، سایدێکی ئەو شەقامەی دەچێت بۆ کۆمەڵگای تەناهی دادەخرێت.
دەشڵێت، شەقامەکە بە ئاراستەی چوون بۆ کۆمەڵگاکە دادەخرێت تەنیا هاتن لەو شوێنەوە دەبێت و کاری نۆژەنکردنەوە بۆ ئەو رێگەیە دەکرێت.
رێگای جێگرەوە دیاری بکراوە بۆ شۆفێران، رێگای چوون بۆ ناو کۆمەڵگای تەناهی و گەڕەکی حەوشکێ و شوقەکانی گوندی فەرەنسی2 لە شەقامی بەرامبەر کۆمپانیای تۆیۆتا و شەقامی زانکۆی نەورۆز شۆفێران دەتوانن بەکاریبهێنن.
