دیمهنێك لهكاتى كوژراندنهوهى یهكێك له رووداوهكانى ئاگركه‌وتنه‌وه له سنوورى سلێمانى ... وێنه پۆلیسی دارستان و ژینگه‌ى سلێمانى
ئامارى حه‌وت مانگ و نیوى ئه‌مساڵ
له سنوورى سلێمانى زیاتر له 110 كه‌س له‌سه‌ر سه‌رپێچییه ژینگه‌ییه‌كان سزادراون
964+
فه‌رهاد حه‌سه‌ن
ئه‌مساڵ له‌سنوورى سلێمانى زیاتر له 110 هاوڵاتی له‌به‌رامبه‌ر تێكدانى ژینگه لێپرسینه‌وه‌یان له‌گه‌ڵدا كراوه و سزادراون، زیاتر له سێ هه‌زار دارى سروشتیش به‌سووتان زیانیان پێگه‌یشتووه.
پۆلیسی دارستان و ژینگه‌ى سلێمانى نوێترین ئاماری ئه‌مساڵى به 964 داوه و ئاماره‌كه‌ش بۆ حه‌وت مانگ و نیوى ئه‌مساڵ ده‌گه‌ڕێته‌وه.
هێمن كه‌مه‌رخان، وته‌بێژى پۆلیسی دارستان و ژینگه سلێمانى به 964ـى راگه‌یاند، له‌م ماوه‌یه‌دا 47 كه‌س له‌سه‌ر ئاگركه‌وتنه‌وه دراونه‌ته داودگا و 67 كه‌سیش له‌سه‌ر داربڕین لێپرسینه‌وه‌یان له‌گه‌ڵدا كراوه و سزادراون، كه هه‌زار و 500 داریان بڕیوه.
وتیشی “489 فه‌رده خه‌َڵوز ده‌ستى به‌سه‌ردا گیراوه و 388 باغى هاوڵاتیانیش به‌هۆى ئاگركه‌وتنه‌وه‌وه سوتاون”.
هه‌ر به‌پێی ئه‌م ئاماره، 25 هه‌زار و 400 دۆنم له پوش و پاوان و زیاتر له هه‌زار دۆنم دارستانیش سووتاون و به‌هۆیه‌وه سێ هه‌ازر دارى جۆراوجۆر زیانیان پێگه‌یشتووه.
به‌راورد به ساڵى رابردوو ژماره‌یه‌كی زیاتر هاوڵاتی له‌سه‌ر سه‌رپێچییه ژینگه‌ییه‌كان ده‌ستگیركراون كه ژماره‌یان 172 هاوڵاتی به تۆمه‌تى جیاواز رووبه‌ڕووى یاسا كراونه‌ته‌وه و سزا دراون.
