دیمەنی كوژاندنەوەی ئاگری كۆگای كاشی لە سۆران، فۆتۆ: بەرگریی شارستانیی سۆران
"هۆكارەكەی نادیارە"
ئاگر لە کۆگایه‌كی کاشی له سۆران كه‌وته‌وه
964+
ئەرسەلان عەبدوڵا
بەرگریی شارستانیی سۆران رایگەیاند، ئاگر لە كۆگایەكی كاشی كەوتووەتەوە، هۆكارەكەشی نازانن.
رەوەند هاودیانی، وتەبێژی بەرگریی شارستانیی سۆران، ئێوارەی ئەمڕۆ پێنجشەممە بە 964ی راگەیاند، ئاگرێك لە كۆگای کاشی بخاری لە گەڕەکی ئیسقەڵا لە قەزای ناوەندیی سۆران كەوتەوە و دوای ئاگادارکردنەوە، تیمی ئاگرکوژێنەوەی بنکەی بەرگریی شارستانیی سۆران گەیشتنە شوێنی رووداوەکە توانیان ئاگرەکە بکوژێننەوە.
وتیشی، لە راپۆرتی تیمەكەدا هێشتا نەزانراوە هۆكاری ئاگرەكە چی بووە و لێكۆڵینەوەی لێدەكرێت.
هەروەها ئاماژەی بەوەش كرد، ئاگرەكە جگە لە زیانی مادی، زیانی گیانی نەبووە، لەگەڵ ئەوەشدا توانیویانە 200 بەستەی كەمەری كاشی لە سووتان رزگار بكەن.
بەرگریی شارستانیی سۆران ئاگاداری هاوڵاتیانی سۆران دەكەنەوە، بۆ هەر رووداوێك پەیوەندییان پێوەبكەن بەو ژمارانە:
115 بە تەنیا لێبدەن، بۆ هێڵەكانی كۆرەك بەخۆڕاییە
هەروەها ئەو ژمارانەش هەن: 0750240171 و 07507966355.
