لە جووت سایدەکەی فەرمانبەران بۆ بنەسڵاوەوە مەڕۆن

ئەحمەد مستەفا

هاتوچۆی هەولێر لە ئاگادارینامەیەکدا دەڵێت، “جووتسایدی فەرمانبەران بۆ بنەسڵاوە دادەخرێ”، داخستنەکە ماوەی 10 رۆژ دەخایەنێت.

لەو شەقامەدا کاری نۆژەنکردنەوە و قیرتاوکردن ئەنجامدەدرێ.

لە هەژماری هەولێر ترافیک، هاتوچۆی شارەکە لە بڵاوکراوەکەدا ئەوەی نووسیوە، “شوفێران ئاگادار دەکەینەوە، کەوا شەقامی جووت سایدی فەرمانبەران بنەسڵاوە لە نزیک سوپەرمارکێتی حەلال، کاری نۆژەنکردنەوە و قیرتاو کردنەوەی بۆ ئەنجام دەدرێت”.

بەوهۆکارە رێگاکە دادەخرێت، هاتوچۆ دەڵێت، “لە ئەمڕۆ سێشەممەوە 20.8.2024 وە، بە فەرمی کارەکانی دەست پێدەکات و ماوەی 10 رۆژ دەخایەنێت، شوفێران دەتوانن شەقامی جووت سایدی باداوە بەکاربهێنن وەک رێگای جێگرەوە”.

هاتوچۆی شارەکە بۆ ئەوەی کارەکان وەک خۆی بەڕێوەبچن، داوای ئارامگرتن لە شۆفێران دەکات و دەڵێت، “داوا لە شوفێران دەکەن ئارام بگرن، تا کاری قیرتاوکردنەوەکە تەواو دەبێت”.