دوو بارهەڵگریش رزگار کران
لە کەلار سێ بارهەڵگر ئاگریان گرت و سووتان
شۆڕش قادری
لە گەڕەکی خەباتی کەلار سێ بارهەڵگر ئاگریان گرت و سووتان، تا ئیستا هۆکاری رووداوەکە نەزانراوە.
بەپێی راگەیەنراوێکی بەڕێوبەرایەتی بەرگری شارستانی گەرمیان، کاتژمێر 2:30 خولەکی بەرەبەیانی ئەمڕۆ یەکشەممە 19.7.2026 ئاگادار کراونەتەوە لەوەی کە سێ بارهەڵگر لە گەڕەکی خەبات ئاگریان گرتووە.
دوای ئاگاداردنەوەیان دەستبەجێ تیمەکانی بنکەی بەرگری شارستانی کەلار و تیمەکانی بنکەی بەرگری شارستانی شەهیدان و تیمەکانی بنکەی بەرگری شارستانی پیشە سازی چوونەتە شوێنی رووداوەکە و توانیویانە لە ماوەیەکی کەمدا ئاگرەکە بکوژێننەوە.
بەرگری شارستانی گەرمیان راشیگەیاندووە، تیمەکانیان توانیوایە دوو بارهەڵگر لە سووتان بپارێزن.
تا ئیستا هۆکاری رووداوەکە نەزانراوە و لێکۆڵینەوەی پۆلیس و هێزە ئەمنییەکان لە رووداوەکە بەردەوامە، پێشتریش چەند رووداوی لەو شێوەیە لەناو کەلار و دەورووبەری روویداوە.
