لە هەولێر
یادی شەوی سەری ساڵی کۆچی بەرز راگیرا
964+
شۆڕش هەرکی – هەولێر
ئەمشەو لەشاری هەولێر لە مزگەوتی سەواف، بەبۆنەی سەری ساڵی کۆچی بە دەفەژەنین و وتنەوەی سروودی ئاینی یادەکە بەرز راگیرا.
فواد مەلا ئەحمەد، سەرۆکی کۆمەڵەی قورئانخوێنان بە 964ـی وت، ”ئاینیی پیرۆزی ئیسلام پڕیەتی لەهەواڵی خۆش و ناخۆش، یەکێک لەو هەواڵە خۆشانە، کۆچی پێغەمبەری ئیسلام بوو لەمەکەوە بۆ مەدینە، ئێمەش وەک کۆمەڵە بەهەماهەنگی لەگەڵ وەزارەتی ئەوقاف و یەکێتی زانایان هەڵساوین بەیادکردنەوەی ئەم کۆچە”.
سەری ساڵی کۆچی لەلای موسڵمانان پیرۆزی هەیە، چونکە پێغەمبەری ئیسلام لەو رۆژەدا کۆچی کرد بۆ شاری یەثریب کە بە مەدینە ناودەهێنرا و بەیانی یەکشەممە یەکەم رۆژی مانگی موحەڕەمە کە دەکاتە 1446ی کۆچی و بەم بۆنەیەوە لەهەرێمی کوردستان پشووی فەرمییە.
پێداچوونەوە: توانا نەقی
