گەشتی حاجیانی هەرێم لە ساڵانی رابدروودا - وێنە: میدیاکان
هەموو پێویستییەکیان پێیە
تیمێکی 21 کەسی تەندروستیی حاجیان دەپارێزن
964+
پێشەوا محەمەد
تیمێکی تەندروستی لەگەڵ حاجیانی هەرێم لە وڵاتی سعودییەن و بەڕێوەبەرایەتیی حەج و عەمرە دەڵێت، تیمەکە لە 21 کەس پێکهاتووە.
ئەو تیمە تەواوی دەرمان و پێداویستیی پزیشکیان کە بۆ سەفەرەکە پێویست بێت لە هەرێمەوە گواستوویانەتەوە سعودییە.
کاروان ستوونی، وتەبێژی بەڕێوەبەرایەتیی حەج و عەمرەی هەرێم بە 964ـی راگەیاند، ئەو تیمە هەموو تایبەتمەندییەکیان تێدایە و هەر کێشەیەکی تەندروستی بۆ هەر حاجییەک دروست ببێت ئاگاداری دەبن.
وتیشی، “هەموو ساڵێک تیمی تەندروستی بە هەموو پێویستییەکەوە تا گەڕانەوەی دوایین حاجی لە وڵاتی سعودیە دەمێننەوە”.
ئەمساڵ زیاتر لە چوار هەزار و 300 کەس بە مەبەستی ئەنجامدانی فەریزەی حەج چوونەتە وڵاتی سعودیە و هەزار و 600 کەسیان بە رێگای وشکانی سەفەریان کردووە.
“تا ئێستا هیچ حاڵەتێکی ناجێگیریی تەندروستی لەناو حاجیانی هەرێمدا لە وڵاتی سعودیە رووینەداوە”، ئەوەش قسەی کاروان ستوونییە.
