کارمەندێکی سەنتەرەکە لە کاتی ئەرکەکەیدا - وێنە: تەندروستیی سلێمانی
لە مانگی رابردوودا
لە سەنتەری مەمک لە سلێمانی هیچ حاڵەتێکی شێرپەنجە تۆمار نەکراوە
964+
پێشەوا محەمەد
مانگی رابردوو 676 نەخۆش سەردانی کلینیکی چارەسەری نەخۆشییەکانی مەمکیان کردووە لە سلێمانی و لەو رێژەیە هیچ حاڵەتێکی شێرپەنجەی مەمک دیاری نەکراوە، ئەوە ئاماری تەندروستی سلێمانییە.
ئامارەکە لە یەک تا 1.4.2023 تا 30.4.2024 بووە، لەو رێژەیەی سەردانی نەخۆشخانەکەیان کردووە، 231 نەخۆشیان نوێ بوون، ئەوانەی دیکە پێشتر تۆمار کراون و سەردانیان هەبووە.
لەو 676 نەخۆشە، 133 حاڵەت بەهۆی بوونی ئازار و 44 نەخۆش بەهۆی بوونی گرێ سەردانی نەخۆشخانەکەیان کردووە.
هەروەها 248 مامۆگرافی و 86 سۆنەریش ئەنجام دراوە.
تەندروستیی سلێمانی روونیکردووەتەوە، مانگی رابردووش 468 نەخۆش سەردانی کلینیکی مەمکیان کردووە لە سلێمانی و حاڵەتێکی شێرپەنجەی مەمک دیاری کراوە.
