لە سێ رۆژی جەژن
سەیرانگاکانی دوکان جمەیان دێت و پێشبینی هاتنی 100 هەزار گەشتیار دەکرێت
964+
بەرزان عوسمان – دوکان
گەشتوگوزاری دوکان پێشبینی دەکات لەماوەی سێ رۆژی جەژن 100 هەزار گەشتیار روو لە ناوچە گەشتیارییەکانی دوکان بکەن، بۆ هەر ئۆتۆمبێلێکی گەشتیاری عەلاگەیەکی پێدەدرێت بۆ پاشماوەی خواردنی گەشتیاران.
رێژین رەئوف، بەڕێوەبەری گەشتوگوزاری دوکان دەڵێت: ئامادەکاریمان کردووە بۆ پێشوازی لە گەشتیاران و سەرجەم لایەنەپەیوەندیدارەکان ئەمڕۆ تیمیان هەیە لەسەیرانگای دوکان، لیژنەی پشکنینمان هەیەو پڕۆژە گەشتیاریەکان بەسەر دەکەنەوە، لەماوەی دوو رۆژی رابردوودا هیچ هاوڵاتیەک سکاڵای نەکردوە لەسەر شوێنە گەشتیاریەکان.
ئەوەش دەڵێت، لەماوەی دوو رۆژی رابردوودا، زیاتر لە 48 هەزار گەشتیار هاتونەتە شوێنەگەشتیاریەکان.
