ژمارەیەک کرێکارانی بیانی لە سلێمانی -فۆتۆ 964
هاتنی كرێكار بۆ كوردستان سنووردار كرا
كرێكاری بیانی مانگانه 200 ملیۆن دۆلار رهوانهی دهرهوهی عێراق دهكهن
964+
ئهرسهلان عهبدوڵا
راوێژكارێكی سهرۆك وهزیرانی عێراق رایگهیاند، كرێكارانی بیانی له عێراقدا مانگانه 200 ملیۆن دۆلار رهوانهی وڵاتانیان دهكهن.
ئەمڕۆ یەکشەممە، راوێژکاری دارایی سەرۆکوەزیرانی عێراق، مەزهەر محەمەد ساڵح له لێدوانهكانی بۆ ئاژانسی دهنگوباسی عێراق، دوو رەوتی بۆ کرێکارانی بیانی لە عێراق دەستنیشان کرد، لە کاتێکدا جەختی لەوە کردەوە کە بوونی کرێکاری نایاسایی دوو جۆر سەرچاوەکانی وڵات دهباته دهرهوه، ئاشكراشی كرد گواستنەوەی مانگانە لە کرێکارانی بیانی بۆ دهرهوهی وڵات بڕی 200 ملیۆن دۆلاره.
"کرێکاری بیانی خوار 18 ساڵ بە قاچاخ هاتوونەتە هەرێم"
مەزهەر محەمەد دهڵێت، داواکاری بۆ کرێکاری بیانی لە وڵاتدا دوو ئاراستەی جیاوازی گرتووهتەبەر، (کاری لێهاتوو)، بەو پێیەی بوونی لە بواری چالاکی بەرهەمداردا دەبێتە هۆی ئەوەی کە زۆرترین کار بکهن، كه بەهای زیاتره بۆ ئابووری نیشتمانی، وەک پسپۆڕان و راوێژکاران کە لە کۆمپانیا و کەرتەکانی بەرهەمهێناندا کاردەکەن.
روونیشی کردەوە کە “کرێکارانی ئەم کەرتانە لە بوارەکانی بەرهەمهێنان و وەبەرهێنان و گەشەپێدان رۆڵێکی کارا دەگێڕن و پێدانی حەقدەستەکانیان هاوتایە لەگەڵ کارایی بەرهەمهێنان”، ئاماژەیە بۆ ئەوەی “گواستنەوەی دەرەکی کە نوێنەرایەتی شایستە کرێیەکانیان دەکات، بارگرانی لەسەر بزووتنەوەکە دروست ناکات لە حیسابی ئێستای باڵانسی پارەی عێراق یان ئابووری نیشتمانی، بەو پێیەی گهشانهوهی ئابووری بەدەست هاتووە.
ئاماژەی بەوەش کرد، رهوتێكی دیکە بریتییە لە (کرێکاری بیانیی ناشارەزا)، کە وڵات قەرەباڵغە پێیەوە، لەوانە ئەوانەی لە خزمەتگوزارییە ناوخۆییەکان یان لە بوارەکانی هاوشێوەی چالاکیی دابەشکردندا کاردەکەن.
ئهو راوێژكاره دهڵێت، ئهم كرێكارانه داهاتێکی نەختینەیی گونجاو وەردەگرن کە زیاترە لهوهی لە وڵاتانی خۆیان بەدەستی دەهێنن، كه پێكدێن له كرێكارانی ئاسیا و ئەفریقا و هەندێک وڵاتی دراوسێ”.
“ژمارهی کرێکارانی بیانی روو له زیادبوونه و زۆربهیان به نایاسایی هاتوونهته ناو وڵاتهوه، ئهمهش پێچه وانهی ئامانجی گشتییه و پهرتهوازهیی دروست دهكات، ئهمه جگه لهوهی حەواڵەی مانگانەی کرێکارانی بیانی لە 200 ملیۆن دۆلار کەمتر نییە، ئەمە جگە لە تێچووی مانەوە و ژیانیان کە هاوشێوەی ئەو بڕە پارانەیە کە دەگوازرێتەوە”، مەزهەر محەمەد راوێژكاری سودانی وادهڵێت.
ئهو قسانهی راوێژكارهكهی سهرۆك وهزیرانی عێراق له كاتێكدایه، له ههرێمی كوردستان له رۆژانی رابردوو، هاتنی كرێكاری سوریا سنووردار كرا.
وەزارەتی ناوخۆی حکومەتی هەرێمی كوردستان، پێدانی ڤیزای بە کەسانی هەڵگری رەگەزنامەی سوری راگرت، بەڕێوەبەرایەتی نشینگەش پابەندە بەوەی چیتر مافی مانەوە نەدات بەو کەسە سینگڵانەی کە سورین و بۆ کرێکاری دێنە هەرێم.
