ئەو کەلوپەلانەی دەستیان بەسەرداگیراوە. فۆتۆ: قایمقامیەتی سلێمانی
له سلێمانی
ده‌ستبه‌سه‌ر كه‌لوپه‌لی ماوه‌به‌سه‌رچوودا گیرا
964+
ئه‌رسه‌لان عه‌بدوڵا
قایمقامیه‌تی قه‌زای ناوه‌ندی سلێمانی رایگه‌یاند، ده‌ستیان به‌سه‌ر دوو كۆگادا گرتووه، كه كه‌لوپه‌ل و كاڵای به‌سه‌رچووی تێدا بووه.
قایمقامیه‌تی سلێمانی ده‌ڵێت، له دوو كۆگادا له گه‌ڕه‌كی كوردسات، بڕێكی زۆری خواردن و مه‌وادی پاككه‌ره‌وه ده‌ستیان به‌سه‌ردا گیراوه، كه به‌شی زۆریان ماوه‌یان به‌سه‌رچووه، جگه له‌وه ده‌ستكاری رێكه‌وتی به‌سه‌رچوونیشیان كراوه و ماوه‌كه‌یان درێژكراوه‌ته‌وه.
هه‌روه‌ها رایگه‌یاندووه، خاوه‌نی كه‌لوپه‌له‌كان له گه‌ڕه‌ك و كۆڵانه‌كان به هاوڵاتیانی فرۆشتووه.
به گوێره‌ی ئه‌و وێنانه‌ی بڵاوكراوه‌ته‌وه، كه‌لوپه‌له به‌سه‌رچووه‌كان، زیاتر شامپۆ و جێلی خۆشووشتن و پاككه‌ره‌وه‌ی قاپ و قاچاخ و هه‌ندێك خوارده‌مه‌نی وشكیشی تێدایه.
