ئۆتۆمبێلێکی تۆیۆتا هایلۆکس لە نزیک پیرەمەگرون سووتا

964+
رێژوان مامە قادر – سلێمانی

کەمێک پێش ئێستا ئۆتۆمبێلێک لە نزیک ناحیەی پیرەمەگرون سووتا و خاوەنی ئۆتۆمبێلەکە دەڵێت، کەسی تێدا بریندار نەبووە.

ئۆتۆمبێلەکە لە جۆری تۆیۆتا هایلۆکس بووە و لە کاتی روودوەکەدا دوو کەسی تێدا بووە، بەڵام سەلامەتن و هیچیان لێ نەهاتووە.

بەرهەم عەبدوڵا، خاوەنی ئۆتۆمبێلەکە بە 964ی راگەیاند، هۆکاری گڕگرتنی ئۆتۆمبێلەکەی شۆرتی کارەبا بووە لە بزووێنەرەکەیدا، دواتر تەشەنەی کردووە و ئۆتۆمبێلەکەی بە تەواوی سووتاوە.

وتیشی، “خۆشبەختانە ئێمە هیچمان لێ نەهاتووە تەنیا زیانێکی مادی زۆر بەر ئۆتۆمبێلەکەم کەوتووە”.