ترسى نییە
ماسییەکى گەورە لە دەریاچەى دوکان دەرکەوت
964+
وریا فەتاح
بەهۆى قەدەغەى راوەماسى و نەبوونى ترسى راوکردنى، ماسییەکى گەورە لە دەربەندى رانییە دەرکەوت کە بە ئارەزووى خۆى لە ئاوەکەدا یارى دەکات.
پۆلیسى دارستان و ژینگەى راپەڕین وێراى بڵاوکردنەوەى ڤیدیۆکە، نوسیویەتى، دەرکەوتنى ئەو ماسییە، نیشانەیەکى روونە لە بوونى سامانى ماسى.
جەختیش دەکاتەوە کە چاودێری و گەڕانی مەیدانی دەریاچە دووکان لە سنوری ئیدارەی راپەرین، بۆ پاراستنی سامانی ماسی و رێگری لە راوی نایاسایی، هۆکارى دەرکەوتنى ئەو ماسییانەن.
داواش لە هاوڵاتیان دەکەن، هۆشیار بن و هاوکاری بکەن بۆ پاراستنی ئەم سامانە گرنگە، چونکە ئەم جۆرە ماسییانەی قەبارە گەورە بەڵگەیەکی راستەقینەن بۆ سەرکەوتنی هەوڵەکان.
