ئەو کلینکەی خاوەنەکەی خۆی کردووە بە دکتۆر. وێنە:قایمقامیەتی زاخۆ.
لە زاخۆ
خۆی کردووە بە دکتۆری ددان و ئەمڕۆ لیژنەکانی قایمقامیەت پێیان زانیوە
964+
شڤان عەبدوڵا – زاخۆ
قایمقامیەتی زاخۆ کلینکێکیان داخستووە خاوەنەکەی وەک پزیشکی ددان خۆی ناساندووە و کاری چاککردنی بۆ چەندین کەس کردووە.
ئەمڕۆ پێنجشەممە 8.2.2024 لیژنەیەکی قایمقامیەتی زاخۆ لەکاتی گەڕان بەدوای سەرپێچی لە شوێنە جیاوازەکان، رێیان کەوتووەتە ئەو کلینکە و بۆیان دەرکەوتووە خاوەنەکەی پزیشکی ددان نییە کەچی کاری دروستکردن و چاککردنی ددانی کردووە.
964 پەیوەندی بە خاوەنی کلینیکەکە کرد، ئەو نەیویست قسە لەسەر ئەم بابەتە بکات.
وەڵات هەجەر، سەرۆکی لیژنەی چاودێری و بەدواداچونی بازاڕ بە 964ی وت، “کلینیکەکەمان داخست و هەماهەنگی لەگەڵ سەندیکای پزیشکان و دادگا دەکەین بۆ ئەوەی بگەینە ئەنجامێک و سزای سەرپێچکارەکە بدەین”.
ئەو لیژنەیەی قایمقامیەت، هەر ئەمڕۆ دەستیگرتووە بەسەر 200 کیلۆ دەرمانی ئێکسپایەر و خاوەنەکەشی سزادراوە.
پێداچوونەوە: فەهمی نەبی
