چەند یەکەیەک بۆ کرێنشینان لە سیتەک - وێنە: 964
لینکەکە دادەخرێت
50 هەزار خێزان فۆرمی یەکەی کرێنشینانیان بەهەڵە پڕکردوەتەوە ئەمشەو کۆتا دەرفەتە
964+
پێشەوا محەمەد
وەزارەتی ئاوەدانکردنەوەی حکومەتی هەرێم رایدەگەیەنێت، وادەی پڕکردنەوەی فۆڕمی یەکەی کەمدەرامەتان درێژ ناکرێتەوە.
ئەمڕۆ تا کاتژمێر 12ـی شەو وادەی پڕکردنەوەی فۆڕمەکە ماوە و کۆتایی پێ دێت.
توانا بەشیر، بەڕێوەبەر گشتیی دیوان لە وەزارەتی ئاوەدانکردنەوەی حکومەتی هەرێم بە 964ـی راگەیاند، ئەمڕۆ کۆتا وادەیە و فۆڕمە ئۆنلاینەکە دادەخرێت.
راشیگەیاند، نزیکەی 26 هەزار خێزان فۆڕمەکەیان بە دروستی پڕکردووەتەوە و کۆدیان بۆ گەڕاوەتەوە، “بەڵام نزیکەی 50 هەزار خێزان کۆدەکەیان بۆ نەگەڕاوەتەوە و ئەگەر تا ئەمشەو فۆڕمەکەیان چاک نەکەن ناچنە کێبرکێکەوە”.
وەزارەتی ئاوەدانکردنەوەی حکومەتی هەرێم لە مانگی هەشتی ساڵی رابردووەوە فۆڕمی ئۆنلاینی بۆ دابەشکردنی نۆ هەزار و چوار یەکە بڵاوکردەوە، کە لە پارێزگا، قەزا و ناحییەکان دروستکراون و بەشێکیان 13% و بەشێکیان 95%ـی کارەکانیان تەواو بوون.
بۆ تەواوکردنی سەرجەم یەکەکان، وەزارەتەکە پێویستی بە نزیکەی 300 ملیار دینارە و چاوەڕوانی دابینکردنییەتی لە لایەن وەزارەتی دارایی هەرێمەوە.
توانا بەشیر: دوای کۆتایی پڕکردنەوەی فۆڕم بۆ ماوەی مانگێک وردبینی لە فۆڕمەکاندا دەکرێت و دواتر شایستەکان دیاری دەکرێن.
