لە ژاراوە
بەهۆی لافاوەوە رێگای گوندێک بڕا
964+
محەمەد عەلی – پشدەر
بەهۆی ئەوشەپۆلە بارانەی رووی لەهەرێم کردبوو، بەشێک لەناوچەکان ئاستەنگی هاتوچۆیان بۆدروست بوو، لەگوندی سیدەڵان سەربە ناحیەی ژاراوە لەپشدەر بەشێک لە رێگای سەرەکی گوندەکە ئاو بردوویەتی و هاتوچۆی گوندەکە نەماوە بۆ شار.
عەبدوڵا عەباس بەڕێوەبەری ناحیەی ژاراوە بە964ـی وت، بەهۆی زۆری رێژەی باران بارین و لافاوەوە رێگای گوندی سیدەڵان نەماوە و ناتوانن هاتوچۆ بکەن،
وتیشی، “خۆش بەختانە پردەکە هیچی لێنەهاتووە، ئەوەی داڕماوە نێوانی پرد و رێگا سەرەکیەکەیە، لەئێستادا شۆفڵمان ناردووە، تیمەکانمان لە هەوڵی چاک کردنی رێگاکەدان و رێگای هاتوچۆ بکەینەوە”.
گوندی سیدەڵان لەناحیەی ژاراوە نزیکەی 20 ماڵ دانیشتوانیەتی، بەکاری کشتوکاڵ و ئاژەڵدارییەوە خەریکن.
پێداچوونەوە: توانا نەقی
