لەناو ئاوی سارد و لێڵدا مەلە مەکەن؛ مەترسیدارن

ئەحمەد  شەمزین – هەولێر

ئەگەر لەکاتی گەشت و سەیران بۆ خۆفێنککردنەوە چوونە ناو ئاوی رووبار و چەمەکان، هەرگیز لەناو ئاوی سارد و لێڵدا مەلە مەکەن، ئەمە رێنمایی راهێنەرێکی مەلەوانییە.

مالیك ئەنوەر راهێنەری مەلەوانی و ئەندامی یەكێتی یارییە ئاوییەكانی لقی هەولێر قسەی بۆ مایکی 964 کردووە و دەڵێت، “هەرچەندە مەلەوانێکی لێزان و شارەزا بی، نابێ لە ئاوی خوڕ و خێرادا مەلە بکەی”.

“ئاوی ساردیش دەبێتە کێشە بۆ گورچیلە و سییەکان و حاڵەتی تەنگەنەفەسی دروست دەکات، هەروەها ئەگەر ئاوەکە روون نەبوو و بنی دیار نەبوو، هەرگیز مەلەی تێدا مەکەن و مەترسیدارە”، مالیک ئەنوەر وادەڵێت.

ئەو را‌هێنەرە ئامۆژگاری و چەند رێنماییەکی دیکەش باس دەکات، گوێ لە قسەکانی بگرن و پەند وەربگرن.

پێداچوونەوە؛ شۆڕش قادری