مەفرەزەکانی پۆلیسی دارستان و ژینگەی سلێمانی لەکاتی گەڕان بەدوای دەستگیرکردنی تۆمەتبارێک. فۆتۆ: پۆلیسی دارستان و ژینگەی سلێمانی.
زۆرینەی لەسەر بیرلێدان بووە
پۆلیسی دارستان و ژینگەی سلێمانی ئەمساڵ 501 هاوڵاتی دەستگیر کردووە
964+
پێشەوا محەمەد
پۆلیسی دارستان و ژینگەی سلێمانی ئەمساڵ تا ئێستا 501 هاوڵاتی لەسەر رووداوە جۆراوجۆرەکانی تایبەت بە بەڕێوەبەرایەتییەکەیان دەستگیر کردووە و زۆرترینیان لەسەر برلێدانی نایاسایی بووە.
بە پێی ئاماری بەڕێوەبەرایەتییەکە، کە بە 964 دراوە، لەسەر بیرلێدانی نایاسایی 114 هاوڵاتی، داربڕین 93 هاوڵاتی، راوەماسی 82 هاوڵاتی، زیادەڕەوی 68 هاوڵاتی، راوی باڵندەی کێوی 63 هاوڵاتی، ئاگرکردنەوە 45 هاوڵاتی، غەڵوزکردن 19 هاوڵاتی و
راوی ئاژەڵی کێویش 19 هاوڵاتی دەستگیر کراون.
هێمن کەمەرخان، وتەبێژی پۆلیسی دارستان و ژینگەی سلێمانی بە 964ـی وت، “ئێمە تیمەکانمان بەردەوام لە گەڕاندان و مەفرەزەی گەڕۆکمان هەیە، بەشێکیش لە سەرپێچییەکان لە لایەن هاوڵاتیانەوە ئاگادار دەکرێینەوە”.
وتیشی، “پێویستە هاوڵاتیانی هەرێم و بەتایبەت گوندنشینەکان زیاتر هاوکاریمان بکەن و خۆشیان دووربکەونەوە لە راوکردن و داربڕین”.
