رێگایەکی ناو شاری سلێمانی سێ رۆژ دادەخرێت

964+

توانا نەقی

شارەوانی سلێمانی دەڵێت، لە سبەینێ بەیانی زووەوە بەهۆی قیرتاوکردنی شەقامێکی کارێزەوشک بۆ ماوەی سێ رۆژ بەربەست دادەنێن و هاتوچۆی پیادا ناکرێت.

ئەمشە وی چوارشەممە، شارەوانی سلێمانی بڵاویکردەوە، لە رۆژی 30.11.2023 لە کاتژمێر 8:15 خولەکی بەیناییەوە شەقامی دابان لە گەڕەکی کارێزەوشک بۆ ماوەی سێ رۆژ بەهۆی قیرتاوکردنەوە بەربەست دەکرێت.

بەربەستەکە لە بەردەم مزگەوتی دارسلام بە ئاراستەی مزگەوتی شەفیق بەگ دەبێت.

شارەوانی داوا لە هاوڵاتیان و کاسبکاران دەکات هاوکاریان بن تا کاری قیرتاوکردنەکە تەواو دەبێت ئاو نەڕژێننە سەر شەقامەکە.