گرتووخانەی ناوەندی بەسڕە. فۆتۆ: وەزارەتی داد
شیاندنەوەی زیندانیکراوان
شارێکی گەورەی چاکسازی لە بەسرە دروست دەکرێت
964+
ژووری هەواڵ
زەوییەکی فراوان لە سنووری پارێزگای بەسرە ئامادەکراوە و بڕیارە شارێکی گەورەی چاکسازی و شیاندنەوەی زیندانیکراوانی لەسەر بونیاد بنرێت.
پرۆژەکە ناونراوە “کۆمەڵگە دادییەکان”، لە هەرسێ ناوچەی قوڕنە، ئەبی خەتیب و مەدینە دروست دەکرێت.
بەپێی راگەیەندراوێکی وەزارەتی دادی عێراق، خالید شوانی وەزیری داد سەردانی پارێزگای بەسرەی کردووە و لە کۆبوونەوەیەکیدا لەگەڵ ئەسعەد عیدانی پارێزگاری بەسرە، گفتوگۆیان لەسەر جێبەجێکردنی پرۆژەکە کردووە.
وەزارەتی دادی عێراق رایگەیاند، کۆمەڵگەکە پێکهاتووە لە شارێکی چاکسازی گەورە و پێشکەوتوو کە لەسەر بنەمای ستانداردە جیھانییەکان و پێوەرە نێودەوڵەتییەکان بۆ مافەکانی مرۆڤ دروست دەکرێت.
خالید شوانی وەزیری دادی عێراق رایگەیاند، لەگەڵ پارێزگاری بەسرە رێککەوتوون لەسەر تەرخانکردنی پارچە زەوییەک بە مەبەستی دەستپێکردنی پرۆژەکە.
