لە دوو رۆژدا 650 کەس دەگەڕێنەوە شنگال

964+

ژووری هەواڵ

لە ماوەی دوو رۆژدا، 116 خێزانی ئاوارەی کوردی ئێزدی دەگەڕێنەوە شنگال و کەمپەکانی پارێزگای دهۆک جێدەهێڵن.

ئەمڕۆ دووشەممە 6.11.2023، پیر دەیان جەعفەر، بەڕێوەبەری کۆچ و کۆچبەرانی پارێزگای دهۆک لە کۆنفرانسێکی رۆژنامەوانیدا رایگەیاند، ئەمڕۆ 85 خێزانی ئاوارەی کوردی ئێزدی لە کەمپی شالیا و بێرسڤی پارێزگای دهۆک گەڕاونەتەوە شنگال و سبەی 31 خێزانی دیکەش دەگەڕێنەوە.

بە وتەی پیر دەیان جەعفەر، ئەو 116 خێزانە لە 650 کەس پێکهاتوون و بە هاوئاهەنگیی رێکخراوی نێودەوڵەتی کۆچ (IOM) و دەزگای خێرخوازیی بارزانی دەگەڕێنەوە شنگال.

تا ئێستا نزیکەی 10 هەزار خێزانی ئاوارەی کوردی ئێزدی گەڕاونەتەوە شنگال، لە بەرامبەردا 721 خیزان لە دوای گەڕانەوە دووبارە بەهۆکاری ئەمنی و ئابووری گەڕاونەتەوە هەرێمی کوردستان.

کەمپەکانی دهۆک تەنیا بەشە خۆراکی پێنج مانگیان وەرگرتووە