بازیان دەبێتە خاوەنی دادگای لێکۆڵینەوە

964+

پێشەوا محەمەد

بڕیار دراوە دادگای لێکۆڵینەوە لە بازیان بکرێتەوە، قایمقامی قەزاکە دەڵێت، لە داهاتوودا دادگایەک بە سەرجەم بەشەکانەوە لە بازیان دەکرێتەوە.

قەزای بازیان دوو بنکەی پۆلیسی ناوخۆیی و بنکەیەکی پۆلیسی دارستانی هەیە و لەو بنکانە دوو هەزار سکاڵا هەن، کە پێویستیان بە دادگایە و دەبێت بچن بۆ سلێمانی.

ئیسماعیل ئەحمەد، قایمقامی قەزای بازیان بە 964ـی راگەیاند، بڕیاری دامەزراندنی دادگای لێکۆڵینەوە هەیە و بیناشیان بۆ دابین کردووە و بەنیازن فەرمانبەرەکانی لە فەرمانگەی ترەوە بۆ بگوازنەوە.

وتیشی، “لە هەوڵی بەردەوامداین و رەزامەندی سەرەتاییشمان هەیە کە دادگایەک لە بازیان بە هەموو بەشەکانییەوە بکەینەوە و چیتر هاوڵاتیان و فەرمانگەکان بۆ هیچ کارێکی پەیوەست بە دادگا نەچنە سلێمانی”.

قەزای بازیان لە پێنج شارۆچکە و 58 گوند پێکدێت و ژمارەی دانیشتوانەکەی نزیکەی 80 هەزار کەسە.

هۆکاری زەردی رەنگی ئاوی بازیان چییە؟