بۆ یەکەمجار سەنتەرێکی ناحکومی ئۆتیزم لە قەزای سێمێل دەکرێتەوە

هیڤی دێوالی

بۆ یەکەمجار سەنتەرێکی ئۆتیزم لە قەزای سێمێل دەکرێتەوە کە توانای لەخۆگرتنی 40 منداڵی توشبووی هەیە.

رۆژی شەممەی هەفتەی داهاتوو سەنتەرەکە دەکرێتەوە، چارەسەری منداڵی بچوک تا 15 ساڵ دەکەن.

ئیلهام خەلیل بەرپرسی سەنتەری ناحکومی ئۆتیزم بە 964ـی وت، “بە پێویستمان زانی سەنتەری ئۆتیزممان هەبێت چونکە نەمانبوو، ئەم سەنتەرەمان توانای وەرگرتنی 40 منداڵی دەبێت”.

وتیشی، ستافێکی شارەزا رۆژانە راهێنان بە منداڵەکان دەکەن.

دانیشتوانی قەزای سێمێل 240 هەزار کەسن، خاوەنی سێ ناحیەیە و 16 کۆمەڵگە و 154 گوند لەخۆدەگرێت.