لۆگۆی پۆلیسی سلێمانی
لە قەڵادزێ سکاڵای لێکراوە
لەسەر هەڕەشەکردن لە ژنان کەسێک لە سلێمانی دەستگیر کرا
964+
هاوبەش ئەبوبەکر
لە سلێمانی کەسێک بە تۆمەتی هەڕەشەکردن و بڵاوکردنەوەی وێنە و ڤیدیۆی ژنان دەستگیر کرا.
ئەمڕۆ سێشەممە 26.9.2023، پۆلیسی راپەڕین رایگەیاند، تۆمەتبارەکە لەسەر سکاڵای هاوڵاتییەک دەستگیرکراوە کە لە بنکەی قەڵادزێ سکاڵای تۆمارکردووە و وتویەتی هەڕەشەی بڵاوکردنەوەی وێنە و ڤیدیۆی لێکراوە.
بنکەی پۆلیسی سەرچنار هاوکاری پۆلیسی قەڵادزێی کردووە بۆ دەستگیرکردنی تۆمەتبارەکە لە شاری سلێمانی.
“دوای لێکۆڵینەوە لەگەڵیدا، دانی ناوە بە تاوانەکەیدا و بەوتەی خۆی لەبەرامبەر وەرگرتنی بڕێک پارە هەڕەشەی لەو ئافرەتە کردووە ئەگەر پارەکەی نەداتێ وێنە و ڤیدیۆکانی بڵاودەکاتەوە”، پۆلیسی راپەڕین وا دەڵێت.
لە سلێمانی هەڕەشەی کرد و لە شەقڵاوە دەستگیرکرا
تۆمەتبارە بە مادەی دوو لە یاسای خراپ بەکارهێنانی ئامێرەکانی پەیوەندیکردن راگیراوە و بە هەمان مادە تۆمەتی پێشینەی هەیە لە بنکەی پۆلیسی راپەڕین لە شاری سلێمانی.