کارکردن لە نەخۆشخانەی فریاکەوتنی بەحرکە. فۆتۆ: تەندروستی هەولێر
خێرخوازێک دروستی دەکات
بەحرکە دەبێتە خاوەنی نەخۆشخانەیەکی فریاکەوتن
964+
هاوبەش ئەبوبەکر
نەخۆشخانەیەکی فریاکەوتنی خێرا لە بەحرکەی هەولێر دروست دەکرێت و دەبێتە فریادڕەسی هاوڵاتیانی ناحیەکە.
نەخۆشخانەکە 50 تەختی دەبێت و بە دوو هۆم لەسەر زەوییەکی پێنج هەزار مەتری دروست دەکرێت.
ئەمڕۆ یەکشەممە 24.9.2023، تۆڵە مەهدی، بەڕێوەبەری ناحیەی بەحرکە بە 964ـی راگەیاند، نەخۆشخانەکە لەسەر ئەرکی خێرخوازێک دروستدەکرێت و لەلای ئەوان مامەڵەی کردووە و مۆڵەتی دروستکردنی نەخۆشخانەکەی وەرگرتووە.
ناحیەی بەحرکە فراوان بووە و گرفتی تەندروستی هەیە
نەخۆشخانەکە دوای تەواوبوونی، رادەستی حکومەتی هەرێم و وەزارەتی تەندروستی دەکرێت، وەزارەت ستافی بەڕێوەبردنی نەخۆشخانەکە دابین دەکات.
ناحیەی بەحرکە لە رووی کارگێڕییەوە سەربە قەزای عەنکاوەیە و ژمارەی دانیشتووانی زیاتر لە 150 هەزار کەس دەبێت، تەنیا 10 کیلۆمەتر لە هەولێرەوە دوورە.