چەند پێشمەرگەیەک لەکاتی بەجێهێنانی ئەرکدا. وێنە:وەزارەتی پێشمەرگە.
دووەم لیستی پلە بەرزکردنەوەیە
بە هەزاران پێشمەرگە پلەکانیان بەرزکرایەوە
964+
فەهمی نەبی
وەزارەتی پێشمەرگە رایگەیاند، پلە بەرزکردنەوەی نزیکەی شەش هەزار پێشمەرگە گەڕاوەتەوە و پلەکانیان بەرزکرایەوە.
ئەمڕۆ پێنجشەممە وەزارەتی پێشمەرگە رایگەیاند، بەپێی فەرمانی 19026 خشتەی ئەیلولی 2023 پلەبەرزکردنەوە ئەو پیشمەرگانە تەواو کراوە.
ئەو پێشمەرگانە ژمارەیان پێنج هەزار و 969 پلەدار و پێشمەرگە دەبێت.
سەرچاوەیەک لە وەزارەتی پێشمەرگە بۆ 964 وتی، ئەو ژمارەیە هەموو وەزارەتی پێشمەرگە دەگرێتەوە، ساڵانە دووجار پلەبەرزکردنەوە ئەنجامدەدرێت، وەجبەی نەورۆز و ئەیلول هەیە، ئەمە دوا وەجبەی ئەمساڵ بوو.
7455 پلەدار و پێشمەرگە پلەیان بەرز کرایەوە
ئەمساڵ لە 16.3.2023 ژمارەیەک پلەدار و پێشمەرگە وەک وەجبەی نەورۆز ناویان دەرچوو کە ژمارەیان حەوت هەزار و 455 پلەدار و پێشمەرگە بوو.