کاتی داگرتنی کێکە دەستبەسەرداگیراوەکە - وینە: مەرزی سەرتەک - پشتە
دەستبەسەر 466 کارتۆن کێکدا گیرا
964+
پێشەوا محەمەد
لە مەرزی سەرتەک – پشتە دەستبەسەر 466 کارتۆن کێکدا گیرا، کە تایبەتمەندییەکانی خۆراکی عێراقی تێدا نەبووە.
کێکەکە ئەمڕۆ سێشەممە 12.9.2023 لە مەرزەکە دەستیبەسەردا گیراوە و هەوڵ دراوە بهێندرێتە ناو هەرێمی کوردستانەوە.
بێری ئاوات، سەرپەرشتیاری چاودێریی خۆراک لە مەرزەکە بە 964ـی راگەیاند، حکومەتی عێراقی کۆمەڵێک تایبەتمەندی بۆ خۆراک ئامادە کردووە و هەر خۆراکێک ئەو تایبەتمەندیانەی نەبێت رێگە بە هاتنەناوەوەی نادرێت.
وتیشی، “ماوەی هەفتەیەک داندراوە تا خاوەنەکەی بێت بە دەمییەوە ئەگەر نەهات ئەوا لە لایەن مەرزەکەوە کێکەکە لەناودەبرێت”.
چەن رۆژێک پێش ئێستاش لە هەمان مەرز و بە هەمان هۆکار دەستبەسەر 24 تۆن دۆشاوی تەماتەدا گیرا.
مەرزی سەرتەک – پشتە دەکەوێتە ناحیەی بەمۆ لە پارێزگای هەڵەبجە.
