بۆ حەجی ئەمساڵ حاجیانی کوردستان تەنیا بەرێگای وشکانی گەشت بۆ سعودیە دەکەن
بۆ حەجی ئەمساڵ
“حاجیانی کوردستان تەنیا بەرێگای وشکانی گەشت دەکەن”
964+
شۆڕش قادری
بۆ حەجی ئەمساڵ حاجیانی کوردستان هاوشێوەی حاجیانی هەموو عێراق، تەنیا بەرێگای وشکانی گەشت دەکەن، ئەو بڕیارەش لەپێناو سەلامەتی حاجیان دەرکراوە.
وهزارهتی ئهوقاف و كاروباری ئایینی کوردستان لە راگەیەنراوێکدا دەڵێت، لهپێناو بهرژهوهندی گشتی و گهرهنتی چوونی حاجیانی كوردستان بۆ سعودیه و به ههماههنگی لهگهڵ دهستهی باڵای حهج، گهیشتنیه رێككهوتن كه گهشتی حهجی ئهمساڵ هاوشێوهی حاجیانی عێراق تهنیا به رێگهی وشكانی دهبێت”.
بڕیارە لە سەرەتای مانگی داهاتوو حاجیانی کوردستان دەست بە گەشتەکەیان بکەن و له رۆژانی داهاتوودا به ههماههنگی لهگهڵ دهستهی باڵای حهج و عومرەی عێراق شێواز و رێکارەکانی چوونیان بۆ سعودیە رێكدهخرێت و بڵاودهكرێتهوه.
سهبارهت به قهرهبووكردنهوهی حاجیانی كوردستان، لەبەر ئەوەی بریاربوو به رێگهی ئاسمانی گهشت بكهن، بهڵام بههۆی تێكچوونی بارودۆخی ناوچهكه و داخرانی ئاسمانی عێراق و فرۆكهخانهكان، ئێستا ناچارن به رێگهی وشكانی گهشت بكهن، وهزارهتی ئهوقاف و كاروباری ئایینی دەڵێت، ههموو ههوڵێك دهدەن له رێگهی دهستهی باڵای حهج و عومرهی عێراقهوه هاوشێوهی قهرهبووی حاجیانی پارساڵ، بۆ ئهمساڵیش مافی حاجیان بگهڕێننەوه بهپێی ئهو خهمڵاندن و میكانیزمهی دهستهی باڵای حهج و عومرەی عێراق دیاری دهكات.
ئەو کەسانەی فریای پشکنینی حەج نەکەوتن پێنجشەممە بچنەوە
